اووووووووول شي نبدا بالفنان(راشد الماجد)
المسافر راح
لاتلوح للمسافر المسافر راح
ولاتنادي للمسافر المسافر راح
ياضياع اصواتنا في المدى والريح
القطار وفاتنا والمسافر راح
يالله ياقلبي تعبنا من الوقوف
مابقى بالليل نجمه ولا طيوف
ذبلت انوار الشوارع وانطفى ضي الحروف
يالله ياقلبي سرينا ضاقت الدنيا علينا
القطار وفاتنا والمسافر راح
مدري باكر هالمدينه وش تكون
النهار والورد الاصفر والغصون
هذا وجهك يالمسافر لما كانت لي عيون
وينها عيوني حبيبي سافرت مثلك حبيبي
القطار وفاتنا والمسافر راح
ـــــــــــ
أغلى حبيبة
يسألوني ليه أحبك حب ما حبه بشر
وليه إنتي في حياتي شمسها وإنتي القمر
وليه صوتك لا وصل صحراي يملاه الزهر
علميهم يالحبيبة يا أغلى حبيبة
يسألوني ليتهم مثلي يعيشون الهوى
الأصابع في اليدين الواحدة ماهي سوا
عندهم حبك طبيعي وعندي فوق المستوى
فهميهم يالحبيبة يا أغلى حبيبة
يسألوني وفي شفاتي يرتعش حر الجواب
ما دروا إنتي بحياتي راحتي وإنت العذاب
وإنتي حلمي اللي عشقته وطار بي فوق السحاب
خبريهم يالحبيبة يا أغلى حبيبة
يسألوني وأنتي أكبر من سوالفهم جميع
وإنتي أجمل ما خلق ربي بهالكون الوسيع
وإني أتلاشى بدون عيونك الخجلى أضيع
إعذريهم يالحبيبة يا أغلى حبيبة
ــــــــــــــــــــــــــــــــــــــــــــــــــ ـــــــ
اشكــي عليك الحال
اشِكي عليك الحال يا عارف الحال
ولوما بيدك شي يكفيلك اشكي
يكفي تروح بكلمتك ضيقة البال
و يكفي تحس بضيقتي دون ما احكي
ساعات احس اني عن الناس في حال
ساعات اضحك من قسى وقتي و ابكي
كني غريب بين الاوطان جوال
مهما ابتعد قلبي يحن لوطنكي
لو شفت في عمري هموم و غربال
فيك الحنان بصادق الحب يحكي
دنيا مشاكلها على كل موال
كل على همه من الوقت يشكي
ـــــــــــــــــــــــــــــــــــــــــ
هذاك اللي تبيلة الخير
عشق غيرك وصار للغير
ياقلبي ابتعد وارحل
ياقلبي عنه لا تسأل
كفاك تعيد وهو بعيد
حبيبك لا خبر ولا خير
قدر يصبر عن عيونك
ويزيد اكثر من ظنونك
تحسب انه يبي عولك
وهو تغير كثير كثير
تناسى حبة وطارية
وبلاش اكثر تفكر فية
وش اللي تقدر اتسوية
ما دامه مهتني بالغير
ــــــــــــــــــــــــــــــــــــــــــــــــ
رعبــــــوب
لي صاحب خذني بزينه ... عن كل مزيون ورعبوب
روحي غدت لامره رهينه ... والقلب من نظراته يذوب
غضاً يعيش أول سنينه ... ومن الدلع له طبع واسلوب
خطراً علي إن شفت عينه ... من نور حسنه أمزع الثوب
الشمس في طلعة جبينه ... والليل وسط العين مسكوب
والخد ينفح ياسمينه ... مثل الشفق في حزة غروب
عوده شراة الموز لينه ... فارع ورويان ومسلوب
تكسيه الأوصاف الحسينه ... ومن المعاني لابس ثوب
قلبي معه ربي يعينه ... عليه صابر صبر أيوب
مجبور يتحمل ضنينه ... لو هو غدا بالحب مشغوب
ـــــــــــــــــــــــــــــــــــــــــ
وحشتــــيني
وحشتيني وجيت أسأل اظن اني على بالك
عسى ماشر ما تسأل وش اللي غير احوالك
رغم بعدك وتقصيرك ورغم انك معي قاطع
تزعلني واجي لرضاك واحبك وارضى بالواقع
ترى مهما جرى مني ومهما كنت انا الغلطان
سؤالك عني مايمنع ولو قلبك علي زعلان
احبك يا اجمل الاحساس وحشني حبك المجنون
متى ترضى علي وتحن يا انته يا احلى مافي الكون
ــــــــــــــــــــــــــــــــــــــــــــــــــ ـــــــــــ
وحشتني سواليفك
وحشتني سواليفك وحشة شوفتك اكثر
كل ليله مع طيفك حبيب الروح انا اتحسر
طاير من عيوني النوم على هذا الحال انا كل يوم
سمعني حبيبي الصوت وسيرني على كيفك
كلامك فيه نشوة روح يحرك فيني الوجدان
يعطيني امل مفتوح في لقياك مهما كان
ساعة يختفي صوتك اعيش بعالم النسيان
لاتقطع علي الصوت انا مقدر على الحرمان
ــــــــــــــــــــــــــــــــــــــــــــــــــ ــــــــــ
علمتني وشلون احب
علمتني وشلون احب علمني كيف انسى
يابحر ضايع فيك الشط والمرسى
علمتني وشلون احن علمني كيف اقسى
سير علي.. بس امسح دموعي وروح
سير علي.. جب لي معك قلب وروح
سير علي .. اذا تذكرت الجروح
ياطاغي النظره خطا....تجزي بهالبخل العطا
وانا اللي اهديتك امن..عين وجفن
هذي فراش وذا غطا
ياجرح من وين ابتدي ....
وانتا معي من مولدي ...
عيت يدي على وداعك تهتدي
بس انت علمني الجفا دامي عجزت اعلمك كيف الوفا
ــــــــــــــــــــــــــــــــــــــــــــــــــ ـــــــ
اريدك يا عذاب العاشقيــــــنا .... تروح بحفظ مولاك وتجينـــا
ولكن لاتطول في غيابـــــــك .... كفاك الله شر الحاسديــــــــنا
انا لاشفت زولك قمت اهلي .... من الفرحه واصفق باليدينـــا
ترى لك مسرح بالحب عامر ..... به اهل العشق دايم حافلينــا
الى منك ضحكت يرتاح بالــي .... واذا كتمت من همك بكينـــــا
حبيبي لا تخاطبني بغيضــــك .... تبسم والفرح خله يجينــــــــا
ترى ما للوليف الا وليفــــه .... تزين ايامنا والا تشينــــــــــا
ولا يجهلك ظن اني ما احبـك .... احبك وانت سيد العارفينـــــا
اريدك اريدك يا عذاب العاشقيـنـــا
ــــــــــــــــــــــــــــــــــــــــــــــــــ ـــــ
ما أبي أسمع رجاوي
ما أبي أسمع حلوف
كل عاشق يخطي مرة
وانت تخطي بالألوف
ببتعد وهذا قراري
وما على مثلك حسوف
كل مرة تقولي آسف
وأنت تتعمد خطاك
هي وين هذي العواطف
ياللي شاغلني معاك
لما صبري زاد عن حده ومل
قلت أبعد يمكن القى البعد حل
وذا قراري بإختياري
ما أبي أسمع رجاوي
خذ بقايا ذكرياتك
والأماني والوعود
وامح اسمي من حياتك
وانس اني بالوجود
لا تترجى ما أبي أسمع رجاك
مل صبري وضاعت أيامي معاك
وذا قراري بإختياري
ما أبي أسمع رجاوي
ــــــــــــــــــــــــــــــــــــــــــــــــــ ــــــــــــ
وان شاء الله قريب
طلبات الاعضاء من كلمات الاغاني
بس ابي همتكم معي
بالردود والاقبااااااااال
![[ .عضو فضي. ]](https://2img.net/i/itest/ranks/default/default4.gif "[ .عضو فضي. ]")
السبت مارس 08, 2008 11:57 am![[ . ادارة الموقع. ]](https://2img.net/i/itest/ranks/stars/stars10.gif "[ . ادارة الموقع. ]")
![[ .عضو ذهبي. ]](https://2img.net/i/itest/ranks/stars/stars9.gif "[ .عضو ذهبي. ]")
